Rusiya və Ukrayna arasında atəşkəs elan edilib.
Bu barədə “Reuters” agentliyi məlumat yayıb. Nəşr Beynəlxalq Atom Enerjisi Agentliyinə (MAQATE) istinad EDİB. Qeyd edilib ki, söhbət bir istiqamətdən gedir: ” Zaporojye Atom Elektrik Stansiyası (ZAES) yaxınlığında elektrik xətlərinin təmirinə imkan vermək üçün atəşkəs elan edilib”.
Lokal atəşkəs razılaşması MAQATE-nin vasitəçiliyi ilə əldə edilib. Agentlik hazırda bir neçə gün davam etməsi gözlənilən təmir işlərini izləyir. Nəşr qeyd edib ki, işin məqsədi stansiyada qəzanın qarşısını almaqdır.
Xatırladaq ki, dekabrın 16-da atışmadan sonra Zaporojye Atom Elektrik Stansiyasının xarici elektrik xətlərindən biri olan “Ferrosplavnoy-1″də elektrik kəsilib. Stansiyaya xarici enerji təchizatı ikinci xətt olan Dnepropetrovsk xətti ilə təmin edilirdi.
