Bakı vaxtı ilə saat 07:00-a olan məlumata görə, Rusiyanın Kiyevə bu gecəki ballistik raket hücumu nəticəsində 9 nəfər həlak olub, 4-ü uşaq da daxil olmaqla 23 nəfər yaralanıb. Bu saata qədər paytaxtın beş rayonunda yanğın və dağıntılar qeydə alınıb. Paytaxtın beş rayonunda yanğın və dağıntılar qeydə alınıb.
Ukrayna Dövlət Fövqəladə Hallar Xidməti zərbələrin nəticələri barədə son dəqiqələrədək olan məlumatları yayıb.
Bu arada sosial mediada qaniçən Putin ordusunun zərbələri nəticəsindən həlak olmuş insanların yolda uzanmış vəziyyətdə qalan cəsədlərinin fotoları yayılır. Şəkillər, ehtimal ki, Poznyaki rayonunda çəkilib, lakin yer hələ rəsmi olaraq təsdiqlənməyib.
“Xəbərdarlıq! Bu foto həssas məzmun ehtiva edir və travmatik ola bilər. Uşaqlar və ya həssas şəxslər üçün onu izləməyi tövsiyə etmirik.
Qurbanların ailələrinə və dostlarına dərin hüznlə başsağlığı veririk”-fotolara aid şərhdə belə deyilir.
Sosial mediada yazılır: “Poznyaki rayonunun həyətlərində bir cəsəd var və yanında telefon zəng çalır. Təəssüf ki, bu şəxs heç vaxt cavab verə bilməyəcək”.
Monitorinq kanalları insanların sığınacağa gedərkən raket zərbəsi və ya yaxınlıqdakı dağıntılar nəticəsində ölə biləcəyi ehtimalını istisna etmir.
Ballistik ra raket şəhərə bir neçə dəqiqə ərzində çata bilər. Monitorinq kanalları insanları sığınacağa çatmaq artıq təhlükəsiz deyilsə, çölə qaçmamağa, binanın içərisində – birinci mərtəbədə və iki divarın arxasında qalmağa çağırır.
Rəsmi xidmətlər hücumun nəticələrini müəyyənləşdirməyə davam edir.
Xatırladılır ki, bir müddət əvvəl Kiyevdə altı mərtəbəli binada Rusiya hücumundan sonra yanğın baş verib.
