İran Prezidenti Məsud Pezeşkian ABŞ və İsraili ölkədə iğtişaşların təşkilində günahlandırıb.
Bu barədə İranın “Əl Mayadeen” qəzeti məlumat yayıb.
“Bəzi terrorçu elementlər ölkə xaricindən sızıblar”, – Pezeşkian bildirib. O, vəziyyəti pozmaq üçün xaricdən xüsusi təlim keçmiş təxribatçıların gətirildiyini əlavə edib.
İran lideri iddia edib ki, Vaşinqton və Təl-Əviv etirazları həm daxildən, həm də xaricdən əlaqələndirərək iğtişaşları qızışdırırlar.
O, vətəndaşları iğtişaşçıların cəmiyyəti məhv etməsinin qarşısını almaq üçün yalnız dinc etirazlarda iştirak etməyə çağırıb.
Pezeşkian həmçinin bildirib ki, bazarları və məscidləri yandıran şəxslər terrorçulardır. O qeyd edib ki, dinc əhalini məhv edənlər İran cəmiyyətinin bir hissəsi deyillər.
