Birləşmiş Millətlər Təşkilatının Təhlükəsizlik Şurası Polşada baş vermiş PUA hücumu ilə bağlı fövqəladə iclasını cümə günü, 12 sentyabr tarixində keçirəcək.
Bu barədə Polşanın BMT-dəki daimi nümayəndəsi Kşiştof Şçerski məlumat verib.
Onun sözlərinə görə, iclas Polşa tərəfinin təşəbbüsü ilə təşkil olunub və Bakı vaxtı ilə saat 23:00-da başlayacaq.
“BMT Təhlükəsizlik Şurasının fövqəladə iclası cümə günü, Polşa vaxtı ilə saat 21:00-da keçiriləcək”, – deyə Şçerski bildirib.
Xatırladaq ki, 2025-ci il sentyabrın 10-na keçən gecə Rusiyanın Ukraynanın qərb vilayətlərinə genişmiqyaslı hücumu zamanı onlarla pilotsuz uçuş aparatı Polşanın hava məkanını pozub. Polşa hərbçiləri təhlükə törədən aparatlardan bir neçəsini vurduqlarını və sərhəd bölgələrində onların qalıqlarını tapdıqlarını, insident nəticəsində tələfat olmadığını bildiriblər.
