2025-ci il ərzində işğaldan azad edilən ərazilərə köçürülən keçmiş məcburi köçkünlərin statistikası açıqlanıb.
Bu, Nazirlər Kabinetinin 2025-ci ildə fəaliyyəti haqqında hesabatında əksini tapıb.
Bildirilib ki, Cəbrayıl şəhərinə 376 ailə -1 704 nəfər, Şuşa şəhərinə 8 ailə – 23 nəfər, Xocalı şəhərinə 68 ailə – 323 nəfər, Kəlbəcər şəhərinə 108 ailə – 450 nəfər, Füzuli şəhərinə bir ailə – 5 nəfər, Laçın şəhərinə 37 ailə – 155 nəfər, Xocalı rayonunun Ballıca kəndinə 191 ailə – 787 nəfər, Xanyurdu kəndinə 123 ailə – 431 nəfər, Təzəbinə kəndinə 139 ailə – 609 nəfər, Şuşakənd kəndinə 114 ailə – 428 nəfər, Badara kəndinə 58 ailə – 220 nəfər, Daşbulaq kəndinə 35 ailə – 138 nəfər, Seyidbəyli kəndinə 59 ailə – 216 nəfər, Ağdərə rayonunun Həsənriz kəndinə 255 ailə – 989 nəfər, Suqovuşan qəsəbəsinə 180 ailə – 592 nəfər, Kolatağ kəndinə 33 ailə – 120 nəfər, Vəngli kəndinə 137 ailə – 535 nəfər, Ağdam şəhərinə 103 ailə – 405 nəfər, Ağdam rayonunun Sarıcalı kəndinə 188 ailə – 785 nəfər, Kəngərli kəndinə 283 ailə – 1 206 nəfər, Xıdırlı kəndinə 649 ailə – 2 571 nəfər, Laçın rayonun Bəylik kəndinə 89 ailə – 363 nəfər, Xocavənd rayonunun Sos kəndinə 85 ailə – 360 nəfər, Qırmızı Bazar qəsəbəsinə 122 ailə – 513 nəfər, Hadrut qəsəbəsinə 48 ailə – 186 nəfər, Zəngilan rayonunun Ağalı kəndinə 51 ailə – 137 nəfər, Məmmədbəyli kəndinə 132 ailə – 653 nəfər, Cəbrayıl rayonunun Horovlu kəndinə 191 ailə – 762 nəfər, Xankəndi şəhərinin Kərkicahan qəsəbəsinə 30 ailə – 115 nəfər köçürülüb. Yəni 3 893 ailə olmaqla 15 781 nəfər işğaldan azad olunmuş ərazilərə köçürülüb.
Sənəddə qeyd olunub ki, hazırda işğaldan azad edilmiş ərazilərdə artıq 30 minə yaxın köçkün evlərlə təmin edilib və orada yaşayırlar. Ümumilikdə isə 74 750 nəfər bu ərazilərdə yaşamaqla inşaat, dövlət işləri və digər müxtəlif vəzifələrdə çalışırılar.
