ABŞ-nin 250 illik yubileyinə həsr olunan və üzərində ölkə lideri Donald Trampın şəkli olan məhdud buraxılışlı pasportların verilməsinə başlanılacaq.
Bu barədə Dövlət Departamentinin rəsmi bəyanatında bildirilir.
“ABŞ Dövlət Departamenti Birləşmiş Ştatların 250 illiyini qeyd etmək məqsədilə xüsusi pasport hazırlayıb. Onların təqdimatına bu il iyulun 6-dan etibarən Vaşinqtonda başlanacaq”, – deyə açıqlamada qeyd olunub.
Dövlət Departamenti məhdud seriyalı pasportların dəqiq sayını açıqlamasa da, əvvəllər bu rəqəmin təxminən 40 min civarında ola biləcəyi qeyd edilirdi. ABŞ vətəndaşları onları yalnız Vaşinqtonda, xüsusi müraciət əsasında əldə edə biləcəklər və bu proses məcburi xarakter daşımır. Yeni sənədin alınmasına görə heç bir əlavə ödəniş tələb olunmayacaq.
Bundan əvvəl Ağ Ev tərəfindən məhdud buraxılışlı pasportların dizaynı təqdim olunmuşdu. Sənədin cildinin içəri hissəsində ABŞ İstiqlaliyyət Bəyannaməsinin mətni fonunda Trampın portreti və imzası, eləcə də 1776-cı il iyulun 4-də bəyannamənin imzalanma səhnəsini əks etdirən rəsm əsəri yer alacaq.
