2026-cı ilin son rübü — oktyabr, noyabr, dekabr üçün gözənti Bakı bazarı qiymətlərin düşməsi yox, artım tempinin bir qədər zəifləyərək davam etməsidir.
Hazırkı məlumatlar bu ssenarini kifayət qədər dəstəkləyir: AQC-nin iyul göstəricisində yeni tikililərin medianı 2 812,5 AZN/m², köhnə tikililərin medianı isə 2 617 AZN/m² olub. Yeni tikilidə iyunla müqayisədə aylıq artım 1,7% təşkil edib.
Niyə qiymətlər qalxacaq?
- Tikinti xərcləri qiyməti aşağı buraxmır.
Torpaq və tikinti xərclərinin yüksəlməsi yeni tikililərin maya dəyərini artırır. AQC də bunu yeni tikili qiymətlərini dəstəkləyən əsas amillərdən biri kimi göstərir. - Torpaq artıq ayrıca problemə çevrilir.
İyul məlumatlarında torpaq seqmenti digər əsas seqmentlərdən xeyli sürətli bahalaşıb. İyun məlumatında da yeni tikinti üçün yararlı torpaq ehtiyatlarının məhdudluğu əsas səbəblərdən biri göstərilib. - Mərkəzdə yaxşı obyektlərin sayı məhduddur.
Səbail, Nəsimi, Nərimanov, Yasamal ,Xətai kimi ərazilərdə yaxşı layihə + yaxşı lokasiya + kupça kombinasiyası olan mənzillərin təklifi məhduddur. Belə obyektlər ümumi bazardan daha yaxşı qiymət saxlayır.
İnflyasiya özü qiymətlərin aşağı düşməsinə imkan vermir.
5,7%-lik faktiki inflyasiya fonunda daşınmaz əmlakın nominal qiymətinin uzun müddət dəyişməz qalması çətindir.
Torpaq çox ciddi siqnal verir.
Torpağın illik/baza dinamikası mənzildən xeyli yüksəkdir. Torpağın bahalaşması gecikmə ilə yeni tikilinin maya dəyərinə və satış qiymətinə ötürülə bilİr.
Mənim yekun proqnozum:
2026-cı ilin sonuna Bakı daşınmaz əmlak bazarında ümumi mənzil qiymətlərinin iyul səviyyəsindən təxminən 4–7% bahalaşa bilər.
Ona görə ki, Təklifin maya dəyəri yüksəkdir.
Tikinti xərcləri, torpaq, əmək və digər xərclər yeni layihələr üçün qiymətlərin aşağı salınmasına ciddi maneə yaradır.
Şaiq Əliyev Əmlak eksperti
