Rusiya Prezidenti Vladimir Putin Müdafiə Nazirliyinə Ukraynadakı münaqişəni qızışdıranların hərbi əməliyyatlarda iştirakını araşdırmağı tapşırıb.
“RİA Novosti” agentliyinin məlumatına görə, bu barədə prezidentin mətbuat katibi Dmitri Peskov bildirib.
Kremlin sözçüsü əlavə edib ki, lazımi məlumata malik olan kəşfiyyat orqanları da işə cəlb olunacaq.
Putin cümə günü, 3 iyulda Birgə Qüvvələr Qrupunun dəstək məntəqələrindən birinə baş çəkərkən hər bir təhrikçinin iştirakının təhlil edilməsinin vacibliyini açıqlayıb. Dövlət başçısının sözlərinə görə, bu, gələcəkdə məsuliyyətli qərar qəbul etməyə imkan verəcək.
