Azərbaycan Respublikasının Prezidenti Cənab İlham Əliyevə
Möhtərəm Cənab Prezident, Milli Mətbuatımızın 150 illiyi yubiley medalı ilə təltif olunmağım məni hədsiz sevindirdi.Uzun illər Azərbaycan mətbuatındakı fəaliyyətimə və xidmətlərimə verdiyiniz dəyərə görə Sizə dərin təşəkkürümü bildirirəm.
Jurnalistikaya Azərbaycanın ən ağır dövrlərində gəlməyim gənc yaşlarımdan üzərimə böyük məsuliyyət qoydu.70 il Sovetlərin boyunduruğu altında yaşamış millətimə və ölkəmə müstəqillik və azadlıq bəxş etmək arzusu isə jurnalist qələminə olan böyük ehtiyacdan xəbər verirdi.Azərbaycanin informasiya blokadası yaşadığı dövrlərdə bu missiyanın öhdəsindən gəlmək olduqca çətin idi.Bir-birinin ardınca baş verən faciələr, erməni işğalının dözülməz fəsadları mərkəzdən daha çox regionlarda hiss edilirdi.Respublikanın yaşadığı ağır böhran,millətimizin kütləvi qaçqınçılığa məruz qalması, sosial problemlər azsaylı jurnalist ordusundan son dərəcə diqqət və operativlik tələb edirdi.Biz bunun öhdəsindən,çətin də olsa,imkanlar daxilində gələ bildik.
Bu gün mən də,digər həmkarlarım kimi,özümü xoşbəxt hiss edirəm.Ona görə ki, bu mübarizələrdə azacıq da olsa, mənim də payım var.Keçdiyimiz müstəqillik yollarında izlərimiz var.Bundan fəxrli nə ola bilər?
Cənab Prezident, bu mükafat fəaliyyətimə verilən ən ali mükafat kimi daim parlayacaq,əmin ola bilərsiniz.
Çox sağ olun.
Dərin hörmətlə, Maarif Məmməd oğlu Rzayev,Gəncə şəhəri.
