Britaniya, Almaniya və Fransa avqustun 28-də İrana qarşı sanksiyaların bərpası prosesinə başlaya bilər,
Bu haqda “Reuters” mənbələrinə istinadən məlumat yayıb.
Bu qərarın Tehranın nüvə proqramı ilə bağlı danışıqların uğursuzluğa düçar olması səbəbindən verilə biləcəyi qeyd edilir. Həmin ölkələrin hakimiyyət orqanları bu qərar barədə BMT Təhlükəsizlik Şurasına yazılı məlumat verməyi planlaşdırır.
İranın maliyyə, bank, enerji və müdafiə sektorlarına qarşı sanksiyalar bundan 30 gün sonra bərpa oluna bilər.
Ancaq Britaniya, Almaniya və Fransa eyni zamanda Tehranın konkret tədbirləri təxirə salmaq üçün 30 gün ərzində nüvə proqramı ilə bağlı öhdəlikləri yerinə yetirəcəyini ümid edir.
