Vaşinqton razılaşmaları nəticəsində Ermənistan 30 ildən artıq davam edən blokadadan sonra təcrid vəziyyətindən çıxır.
Bunu Ermənistanın Baş naziri Nikol Paşinyan xalqa müraciətində bildirib.
Onun sözlərinə görə, bu, bir müddət əvvəl qeyri-mümkün hesab edilirdi.
“Ermənistanla Azərbaycan arasında yollar açılır. Bu o deməkdir ki, nəqliyyat kommunikasiyalarının bərpası və tikintisi sərhədlərin dəqiqləşdirilməsi, delimitasiyası və razılaşdırılması prosesləri ilə müşayiət olunmalıdır”, – Paşinyan deyib.
O, Ermənistanın sərhədi keçmə prosedurlarını sadələşdirməyə hazır olduğunu da bəyan edib.
